Takussutissat periutsillu nutaat

Naatsorsueqqissaartarfik inuit ilinniartitaanermut pisinnaatitsilersumut atatillugu nunatsinni ilinniagaqarnersiutisisartut pillugit paasissutissanik tigusaqartarpoq. Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfiup ataani Ilinniarnersiuteqarfimmiit paasissutissat tamakku tiguneqartarput, uppernassusiilu ilinniarfeqarfinni Naatsorsueqqissaartarfimmilu misissorneqartarlutik. Kisitsisit tatiginassusaannik misissueriaatsip nutaap malitsigisaanik siornatigut Ukiumoortumik kisitsisitigut paasissutissani tamanut saqqummiunneqarsimasuni kisitsisinut sanilliunneqarsinnaanngillat, ukioq 2008 eqqaassanngikkaanni.

Ukioq atuarfiusoq, juulip aallaqqaataaniit ukiup tulliani juunip 30-ianut ingerlasartoq, naatsorsuinermi aallaavigineqartarpoq.